Καὶ ἐρημωθήσονται αἱ πόλεις καὶ ἔσονται αἱ χῶραι ἄβατοι διὰ τὸ ὀλιγωθῆναι τὴν ἀνθρωπότητα καὶ μιανθήσεται ἡ γῆ ἐν αἵματι καὶ ἀποκρατήσει τοὺς καρποὺς αὐτῆς· οὐ γὰρ εἰσιν ἄνθρωποι οἱ τυραννικῶς κρατοῦντες βάρβαροι, ἀλλὰ τέκνα τῆς ἐρήμου εἰσὶ καὶ εἰς ἐρήμωσιν ἥξουσιν· ἐφθαρμένοι εἰσὶν καὶ εἰς φθορὰν ἀποσταλήσονται· ἐβδελυγμένοι εἰσὶν καὶ τὸ μύσος ἀσπάζονται. καὶ ἐν τῇ ἀρχῇ τοῦ καιροῦ τῆς ἐξόδου αὐτῶν τῆς ἐξ ἐρήμου γενομένης ῥομφαιᾳ τὰς ἐν γαστρὶ ἐχούσας κεντήσωσι καὶ τὰ βρέφη ἐκ τῶν μητρικῶν ἀγκαλῶν ἁρπάζοντες πατάξωσι, καὶ ἔσονται τοῖς θηρίοις εἰς βρῶσιν.
(Pseudo-Methodius, Apoc. 2.17)
The cities will be made desolate, and the fields will be impassable because of the diminishment of humanity, and the earth will be stained with blood and will withhold her fruits. For these men are not barbarians who rule like tyrants, but children of the desert and they will have come to desolation. They are loathsome and they embrace abomination. And when the time comes when they begin to leave the desert they will stab the pregnant women with a sword and snatch babies from their mothers’ arms and smash them, and they (sc. the babes) will be meat for the beasts. (tr. Benjamin Garstad)
Crambe Repetita 